EL BAÚL
Edición electrónica
martes, 17 de noviembre de 2015
ESPOSICIÓN LLITERARIA: MENÚ DE VERSOS



  
Del 3 de payares (noviembre) al 1 d´avientu (diciembre) pue vese, na zona d´esposiciones de la clas de Llingua Asturiana y Lliteratura, el llibru Menú de versos (editorial Pintar-Pintar) con testos de la escritora Esther García ya ilustraciones de Borja Saurás, empobinada pal alumnáu d´Educación Primaria. Nel espocuentu, dientro de les xeres de Programes Educativos de Cultura y Educación, al traviés de la Oficina de Normalización Llingüística del Ayuntamientu de Gijón/Xixón, espéyense les coses que-yos presten comer a dellos tipos de persones, como per exemplu: a los estudiosos, los folgazanes, los mentirosos, los envidiosos o los llambiones. Tamién pue vese la igua d´un comedor escolar al traviés d´un vocabulariu específicu, ente otres pallabres les que van de siguío:

Asturianu                       Castellanu
iguar                              ordenar
acuriosar                        presentar bien las cosas
mesa pa xintar                mesa para comer al mediodía
siella                              silla
mantel                            mantel
cuyar                             cuchara
cuchiellu                         cuchillo
tenedor                          tenedor
platu llanu                      plato llano
platu fondu                     plato hondo
servilletes                      servilletas





Escrito por C. P. El Lloréu