Esti domingu 7 de xunu pusímos-y
el ramu a un cursu d’ensayos y música. El teatru Jovellanos fue’l prestosu
marcu del tercer conciertu de “Cantar Presta Muncho”, un programa del
Ayuntamientu de Xixón pa fomentar la música coral, de tanta tradición na
nuestra ciudá, nes escueles.
Cantando "El Carmín de La Pola"
La iniciativa, qu’entamó hai
tres cursos con 6 coles, tuvo esti añu una participación de 16, lo qu’obligó a
la organización a facer dos conciertos finales: ún de mañana y otru de tarde;
dambos col teatru hasta la bandera de families y aficionaos a la música.
El corín del Lloréu, formáu por
alumnáu d’Asturianu de Cuartu y Quintu, actuó na sesión de mañana,
interpretando un cantar tradicional, “N’Uviéu nun me caso”, y ún modernu, “Nun
queremos dir al zoo”. Esperamos qu’esta iniciativa tan prestosa, qu’axunta la música
col nuestru idioma, pueda seguir alantre l’añu qu’entra cola participación de más
neños y neñes.