EL BAÚL

Edición electrónica

lunes, 6 de mayo de 2013

CONCURSU: DA-Y A LA LLINGUA

El xueves, día 2 de mayu, organizáronse les “XVIII Xornaes de Llingua y Cultura Asturiana”, na que participaron los colexos de la fastera oeste de Xixón, pa celebrar el concursu escolar Da-y a la Llingua.

L´equipu del colexu El Lloréu, esti añu, tuvo formáu por dos escolinos y escolines de cada nivel: Claudia Dios Crespo e Iker Fernández Candanedo (primeru), Enol Núñez Romariz y Angélica Velasco Flores (segundu), Carmen Fernández González y Javier Nieto Menéndez (terceru), Oscar Gómez Carril e Iker González Gallardo (cuartu), Nidia Argüelles Llano y Nora González Fernández (quintu), Ruth Celemín García y María Jesús Fernández Mesa (sestu). Norabona a toes ya toos pola ilusión y les ganes que punsistis enantes y fasta´l final del concursu, sois un equipu perbonu.

Nun podemos dexar escaecer, el da-yos la norabona a tolos colexos que participamos, ya los ganadores d´ esti añu (CP. Federico García Lorca).

ENTREGA DE PREMIOS

El vienres día, 3 de mayu, una vegada más, los diez colexos de la fastera oeste de Xixón, celebremos nel Atenéu la Calzada, l´actu de inauguración y la entrega de premios del concursu artísticu y lliterariu “María Teresa González”, llegando asina a la so decimoctava edición de les Xornaes de Llingua y Cultura Asturiana.

La entrega de premios y l´actu de inaguración, foi presidiu pol escritor y académicu Vicente García Oliva, el conceyal de Cultura y Educación, Carlos Rubiera Tuya y Pablo Manzano de l´Academia de la Llingua.

Esti añu los premiaos del nuesu colexu fueron: Enol García García, del cursu (primeru A) de primaria, recibió´l segundu premiu nel concursu de dibuxu llibre pal cartelu de les xornaes.

Nerea González Fernández, del cursu (cuartu A) de primaria, recibió´l segundu premiu na modalidá de la pallabra inventada.

Y pa finar, felicitar a tolos escolinos y escolines del colexu, pol esfuerzu que punsistis nes diferentes xeres del concursu.¡Norabona!.

Etiquetas: Llingua Asturiana