EL BAÚL
Edición electrónica
martes, 24 de mayo de 2011
Seres mitolóxicos d’Asturies
El miércoles 4 de Mayu colamos pal Atenéu porque Berto diba contanos munches coses de mitoloxía asturiana.


Dempués de xubir peles escaleres hasta’l cuartu pisu atopámonos con un mozu prestosu. Diónos la bienvenía y entamó falándonos de les xanes, encantaes, ayalgues y el cuélebre.

Llamónos l’atención qu’el cuélebre tuviera pintau nos horros y asitiau en daqué otros llugares pa protexer coses de valía de la xente, ¡hasta nes ilesies pa protexer a santos!

Además ente 7 culiebres facíen una piedra que valía contra’l venenu de les picadures.

Dempués cuntónos munches hestories de xanes, l’home llobu, encantaes, serenes… como la de Cangas. Gustónos too pero sobremanera como lu contaba.

Colamos pal colexu apenaos porque paeciónos qu’aquello duró poco polo bien que lo pasamos.

Santiago diznos que...:

-Algunu esa nueche nun durmió al sen por culpa del Pesadiellu, la Manona y sobremanera pola Güestia, anque per ellí tamién andaba “María les campanielles”

Etiquetas:

Escrito por C. P. El Lloréu