EL BAÚL

Edición electrónica

lunes, 9 de mayo de 2011

PREMIOS

El miércoles, 27 de abril, entregáronse nel Ateneu de La Calzada los premios del XV concursu de Cuentos Illustraos, Superhéroes, d’Histories de Mieu y de Cartelos.

El concursu lleva el nome de Mª Teresa González que fue una escritora ñacía en Xixón y que fizo muncho pel asturianu hasta que morrió y en cada modalidá dieron tres premios y algunos accésit.

Nel concursu participamos los colexios de la zona oeste de Xixón: Atalía, Cervantes, Torner, Lorca, Montiana, Príncipe d’Asturies, Santa Olaya, Tremañes, Xove y el nuestru.

Casi todos los colexios recibieron daqué premiu. Del nuestru fuimos cuatro esti añu los premiaos:

Alba Prado García, de 2º B, en la modalidá de Cuentos Illustraos con el cuentu titulau “L’Esperteyón ensin disfraz”.

Joel Rodríguez Riomao, de 3º B, en la modalidá de Superhéroes con “Martín, La tortuga escopetada”.

Marina Moral García, de 5º B, en la modalidá de Cartelos con Lily Monte Guerra.

Y yo, Ánxela Mato Suárez, de 6º B, en la modalidá de Histories de Mieu con “Escursión a la viesca de Peloñu”

Los premios entregáronoslos varies autoridaes de la LLingua como Vicente García Oliva, Mª Xosé Rodríguez, Fernando Padilla, , Cándido Sánchez, Xulio Berros, Berto Álvarez Peña, autoridaes de l’Academia de la Llingua, Conseyería d’Educación, Oficina de la Llingua del Conceyu de Xixón y patrocinadores como la Caxa d’Aforros d’Asturies y animáronnos a que siguiéramos faciendo tolos trabayos tan prestosos, tanto los que ganamos como los que nun tuvieren tanta suerte, porque dixeron que y-os había costao munchu trabayu facer la escoyeta.