A finales d’ochobre y hasta la mitá de payares yera tiempu d’apañar castañes. Polos montes que nun yeren de naide había munches castañales y la xente diba a la gueta. Había que romper l’oriciu p’abrilu y saca-y la castaña. Por eso yera abondo llaboriosu. La xente emplegaba tiñaces pa nun pinchase. Durante munchu tiempu la xente comíales cocíes, amagostaes o en pote y yeren la cena en munches de les cases xunto con un pocu de llechi. Les castañes que se recoyíen polos montes, los homes llevábenles en saques y les muyeres en corexes. Algunes persones espardíenles en corredor y otres na galería o nel balcón. Esto facíase pa que se conservaren meyor. A veces facíense amagüestos nes cases, nos que se comíen les castañes amagostaes y se bebía sidra dulce. El magüestu yera una fiesta tradicional n’Asturies, nel que se cantaba y pasábase una velada perbona.