EL BAÚL

Edición electrónica

miércoles, 31 de octubre de 2007

En balonmano... ¡UNOS CRACKS!

Escolinos de cuartu de Primaria ficiéronmos llegar la siguiente noticia que nos presta pola vida espublizar:

Tán acabando en Xixón los torneos de balonmano de pretemporada. Somos un grupu de neños de Cuartu cursu del C.P. El Lloréu de Xixón. Pertencemos al equipu Revillaxixéu (benxaminos de segundu añu) y vamos perbién.

Nel nuestru equipu tamién tán tres xugadores del C.P. Santa Olaya. No que va de cursu yá xugamos tres torneos y ganamos los tres: Náuticu, Santa Olaya y Begoña.

Nel del Náuticu xugamos dos partíos y ganamos los dos. ¡La final por goleada! Nomáronmos campeones de categoría benxamín, diéronmops una camiseta y el nuestru entrenador convidónos a carambelos, una invitación pa una hamburguesería, un xubasqueru...

En cuanto al tornéu de Santa Olaya, xugóse nes instalaciones deportives del colexu que lleva esti nome. Equí compitimos pol campeonatu, algamándolu dempués de dos partíos que ganamos folgadamente. Diéronmos una medalla.

No que cinca al tornéu del Begoña, entamamos el calendariu a les 9:3o hores, y xugamos como en mini-balonmano. Sintímosnos un pocu raros, porque diba yá dos años que nun xugábemos asina.Tamién ganamos el tornéu y regaláronmos una camiseta.

Nun queríemos finar ensin dicir los nomes de los xugadores del Revillaxixéu:

Del C.P. El Lloréu: Hugo de la Puente, Sergio Rodríguez, Dani
de la Viuda, Óscar Palacio, Álvaro Loureda, David Álvarez, Jorge Paredes y Eloy Nuevo ( toos de Cuartu A); Dani García, Miguel Manceñido y Alex (los tres de Cuartu B)