EL BAÚL
Edición electrónica
martes, 6 de mayo de 2014
Una mañana dándo-y a la llingua
Los neños y neñes qu’asisten a clases de Llingua Asturiana na zona oeste del conceyu Xixón, tienen oportunidá de poner en valor los conocimientos algamaos a lo llargo’l cursu col concursu “Da-y a la llingua”. Nél participen dos representantes por cada cursu d’Educación Primaria, doce rapacinos en total de caúna de les escueles.
El certame tuvo llugar el pasáu martes 29 d’abril nel Salón d’Actos del Atenéu La Calzada, los participantes tuvieron que contestar a una entruga qu’ufiertaba tres posibilidaes de rempuesta, tando les más d’elles dedicaes al vocabulariu y la gramática, pero tamién a la xeografía, la historia y la cultura asturiana.
Los representantes de la nuestra escuela fueron: Adam y Paula (Primeru), Adrián y Enya (Segundu), Mireia y Enol (Terceru), Pelái y Carmen (Cuartu), Irene y Paula (Quintu); y Lucía y Nora (Sestu). Y ficiéronlo perbién, porque de les doce preguntes namás fallaron dos y ¡quedamos terceros!
¡NORABONA CAMPEONES!
Podéis ver la galería completa de fotos nel BLOGUE D'ASTURIANU


Asina mesmo nos concursos que lleven el nome de la escritora de Tremañes MªTeresa González, tamién cuntamos con una ganadora: Nerea Álvarez, de Segundu B, qu’algamó un áccesit na categoría de Cartelos

Etiquetas:

Escrito por C. P. El Lloréu